AF287b: 48v

ammā biz ʿamel‑i basṭ aṣlı ile beyān ėdelüm evvel ism‑i ṭālibi yaza ve andan‑ṣoñra ism‑i // Allāhdan vedūd ismin ḥurūfın qona ve andan maṭlūb yılduzınuñ ḥurūfın yaza ve // beş mertebe basṭ ėde ve ammā ḥurūf‑i ẓulmānīsin ṣıfır qoya ve nūrānīsin yaza eger // maḥabbet içün ėderseñ bu ḥurūfları basṭuñ üstinde yazasın daḥı [!] bunuñ içine // ḥurūfları yazasın ve qalanına ṣıfır qoyasın ve andan evvel ḥurūf[‑]i āteşīsin çıqarup // ʿadedince bir ol qadar daḥı [!] qatub āteşe yazasın ve bādīsin bāda ve ābī // ḥurūfların āba ve ḥākī [!] ḥurūfların ḥāke [!] yazup cümle ėdesin her bir cümleden yigirmi // birin ṭarḥ ėdesin ve meẕkūrlar içün dört levḥ ėdesin birin āteş içün // ve birin bād içün ve birin ḥāk [!] içün ve andan ṣoñra on ikiye degin her birin // qonasın ve andan‑ṣoñra āteşinden ḥāṣīl [!] olan ʿadedüñ yigirmi birin ṭarḥ ėdüp // āteş levḥinüñ on üçünci ḥānesinden [!] başlayasın on altıncı ʿadedin ve āb ve ḥāk [!] // levḥinüñ on altıncı ḥānelerinüñ [!] ʿadedlerin cemʿ ėdüp yigirmi birin ṭarḥ ėdesin // mā bāqīsin çölmek levḥinüñ on altıncı ḥānesinüñ [!] ʿadedin ḥurūf ėdüp esmā // çıqarasın evveline bir yā qatasın āḫirine bir āʾil qatasın ve bi‑ḥaqqi qatasın ve āḫirine // bir yūş żamm ėdesin ve ol çölmek levḥini bir çölmek içine qoyasın ve üstine // bir miqdār bezīr qoyub qırq dāne fü[l]fül alup bu çölmek levḥinden çıqan esmāʾ‑i maṭlūb // ismi ʿadedince fülfüle oquyup çölmege qoyup aġzın ḥamīr [!] ile baġlayasın andan üç // gün üç gėce āteşe urasın hemān ol gün maṭlūb dīvāne ḥāl olup // ayaġuña gele bisāṭ‑i ʿamel bu ūslūb [!] üzerine qonasın ki bunlardur